പ്രമുഖരുടെ ‘ലൈബ്രേറിയൻ’; മൊറാർജിയെ ഞെട്ടിച്ച മറുപടി; നട്‌വർസിങ് വിടവാങ്ങുമ്പോൾ

‘കിസിഞ്ജറുടെ പുസ്തകം കയ്യിലുണ്ട്. വായിക്കാൻ സാധിച്ചിട്ടില്ല...’ ‘രോഗങ്ങളെക്കുറിച്ചുള്ള നോർമൻ കസിൻസിന്റെ പുസ്തകം വായിച്ചോ? ചിരിയാണ് ഏറ്റവും നല്ല ഔഷധമെന്നതിന് അതു തെളിവാണ്.’ ‘ഗാൽബ്രെയ്ത്തിന്റെ പുസ്തകം അയച്ചുതന്നതിനു നന്ദി. പക്ഷേ എന്റെ കയ്യിൽ കോപ്പിയുണ്ടായിരുന്നു. സാരമില്ല, എന്റേതു നിങ്ങൾക്കു തരാം. പേരെഴുതിയിട്ടില്ല.’ ‘പ്രിയപ്പെട്ട നട്‌വർ’, എന്നാരംഭിച്ച് ഇന്ദിര ഗാന്ധി നട്‌വർ സിങ്ങിനയച്ച നൂറുകണക്കിനു കത്തുകളിൽ ചിലതിൽനിന്നുള്ള വരികളാണിവ. ഭൂരിഭാഗം കത്തുകളിലും പുസ്തകങ്ങളെക്കുറിച്ച് ഒരു വരിയെങ്കിലുമുണ്ടാവും.