മഴ കനത്തു, കടൽ വരുന്നു; ചെല്ലാനം ചോദിക്കുന്നു: ‘10 ലക്ഷത്തിന് കൊച്ചിയിൽ എങ്ങനെ സ്ഥലം വാങ്ങി വീടുവയ്ക്കാനാ..’

ചെല്ലാനത്തുള്ളവർക്ക് വർഷങ്ങൾക്ക് മുൻപ് വീട്ടിൽ നിന്ന് നോക്കി നില്‍ക്കാൻ കഴിയുന്ന സുന്ദരമായൊരു കാഴ്ചയായിരുന്നു കടൽ. എന്നാൽ ഇന്ന് അതേ കടൽ വീടിനുള്ളിലേക്ക് അടിച്ചുകയറുകയാണ് .

ആശിച്ചുണ്ടാക്കിയ വീടും സ്വത്തും തിരമാലകൾ കവർന്നെടുക്കുമ്പോഴും മറ്റൊരു വഴിയുമില്ലാതെ നോക്കി നിൽക്കേണ്ടിവരുന്ന നിസ്സഹായതയിലാണ് ഇവിടെ നൂറുകണക്കിന് കുടുംബങ്ങൾ.

ചെല്ലാനം പഞ്ചായത്തിലെ കടലാക്രമണം രൂക്ഷമായ സ്ഥലങ്ങളിൽ മനോരമ ഓൺലൈൻ പ്രതിനിധി നേരിട്ടു കണ്ട കാഴ്ചകൾ വിഡിയോ റിപ്പോർട്ടിലൂടെ..