ഝാൻസി റാണി കെട്ടിയ രാഖി; അലക്‌സാണ്ടർ മുതൽ മഹാബലിവരെ ബന്ധം; ഇത് ചരടിൽ തീർത്ത സാഹോദര്യബന്ധം

സാഹോദര്യത്തിന്റെ വിശുദ്ധിയും കരുതലും സ്‌നേഹച്ചരടിൽ കോർക്കുന്ന രക്ഷാബന്ധൻ ഇന്ന്. സാഹോദര്യ ബന്ധത്തിന്റെ നേർസാക്ഷ്യം കൂടിയാണ് സഹോദരിമാർ കെട്ടുന്ന രാഖി. ശ്രാവണ മാസത്തിലെ പൗർണമിയിലാണ് ഈ ആഘോഷം. രക്ഷാബന്ധനു പിന്നിൽ ഒട്ടേറെ ഐതിഹ്യങ്ങളും ചരിത്ര കഥകളുമുണ്ട്. കൃഷ്‌ണനു ദ്രൗപദിയോടുണ്ടായിരുന്ന ബന്ധം മുതൽ ഒന്നാം സ്വാതന്ത്യ്ര സമരകാലത്തു സംരക്ഷണത്തിനായി ഝാൻസി റാണി താന്തിയ തോപ്പിയയുടെ കൈകളിൽ രാഖി ബന്ധിച്ചതു വരെ രക്ഷാബന്ധനുമായി ബന്ധപ്പെട്ട കഥകളാണ്.