എങ്കിലും തന്റെ പിൻഗാമിയെ കണ്ടെത്താതെ ദലൈ ലാമ കടന്നു പോകുമോ എന്ന് ഭയക്കുന്നവരും സംശയിക്കുന്നവരുമാണ് മിക്ക ടിബറ്റുകാരും. ഇതിനൊരു ഉത്തരം കൂടിയായാണ് പലരും അടുത്തിടെ നടന്ന ഒരു സംഭവത്തെ വിശേഷിപ്പിക്കുന്നത്. ടിബറ്റൻ ബുദ്ധിസത്തിലെ മൂന്നാമത്തെ ഉന്നത പദവിയിലേക്ക് അദ്ദേഹം ഒരു എട്ടു വയസുകാരനെ വാഴിച്ചു. അടുത്ത ദലൈ ലാമയെ കണ്ടെത്തുന്ന കാര്യത്തിൽ നിർണായക പദവിയാണ് പത്താമത്തെ ഈ റിൻപോച്ചെയ്ക്കുള്ളത്. ടിബറ്റിനെ തങ്ങളുടെ ഭാഗമാക്കിയ ചൈനയ്ക്ക് ടിബറ്റൻ ജനതയേയും ടിബറ്റൻ ബുദ്ധിസത്തേയും തങ്ങളുടെ കൈപ്പിടിയിൽ ഒതുക്കാനുള്ള അവസ‍‌‌രത്തിന് തടസമായേക്കാൻ സാധ്യതയുള്ള നീക്കം കൂടിയാണ് ഇത് എന്നതു കൊണ്ട് വരുംനാളുകളിൽ ഏറെ കോളിളക്കങ്ങൾക്കും ഇത് വഴിവച്ചേക്കാം.