‘ആനത്തലയാണ്’– പണ്ടു മുതൽ ഇതാണു ബുദ്ധിമാന്റെ വിശേഷണം. ആനത്തല എന്താണെന്ന് കഴിഞ്ഞ ദിവസം ചിന്നക്കനാൽ അരിക്കൊമ്പൻ കാണിച്ചു തന്നു. തന്നെ വെടിവയ്ക്കാനെത്തിയ ദൗത്യസംഘത്തെ ഒരു ദിവസം മുഴുവൻ കൊമ്പൻ കബളിപ്പിച്ചു. 15 വർഷങ്ങൾക്ക് മുൻപ് നെയ്യാറില്‍ ‘കൊലകൊല്ലിയെന്ന’ കൊമ്പനെ വെടിവയ്ക്കാൻ വന്ന ദൗത്യ സംഘത്തെ വലച്ചത് ഒരു മാസം. ആന ഏവർക്കും അദ്ഭുതമാണ്. വലുപ്പത്തിൽ മാത്രമല്ല പെരുമാറ്റത്തിലും സ്വഭാവത്തിലും. ‘കുരുടൻ ആനയെ കണ്ടപോലെ’ എന്നാണ് പഴമൊഴി. കണ്ണും കാതും ഉള്ളവർ പോലും ആനയെ പൂർണമായി മനസ്സിലാക്കിയോ? അതോ ഈ സമയംകൊണ്ട് ആന മനുഷ്യനെയാണോ മനസ്സിലാക്കിയത്? ആനകൾക്കു മനുഷ്യനെപ്പോലെ ബുദ്ധിയുണ്ടോ? അതോ ഓർമശക്തിയിലാണോ ആന മുന്നിൽ? വിദഗ്ധർക്ക് എന്താണ് ഇതിനെപ്പറ്റി പറയാനുള്ളത്? വിശദമായറിയാം...