ഏതാനും മാസങ്ങൾക്കു മുൻപ് പത്തനംതിട്ട വെണ്ണിക്കുളത്തിന് സമീപം പടുതോട്ടിൽ, വിവിധ സർക്കാർ വകുപ്പുകൾ ദേശീയ ദുരന്ത നിവാരണ സേനയുടെ (എൻഡിആർഎഫ്) സഹകരണത്തോടെ നടത്തിയ മോക് ഡ്രില്ലിനിടെ ഉണ്ടായ പാളിച്ചകൾ ഒരു യുവാവിന്റെ ജീവൻ കവർന്നെടുത്തിരുന്നു. അതുപോലെ, 2011ൽ ആലപ്പുഴയിൽ, ദുരന്ത നിവാരണ പരിശീലനത്തിന്റെ ഭാഗമായി നടത്തിയ മോക് ഡ്രില്ലിനിടെ അമിത വേഗത്തിലെത്തിയ ഫയർ ഫോഴ്‌സ് വാഹനത്തിനും മതിലിനും ഇടയിൽ ഞെരുങ്ങി ഡിവൈഎസ്‌പിക്ക് ജീവൻ നഷ്ടപ്പെട്ടിരുന്നു.