‘‘ചില ഡോക്ടർമാർ തല്ലു കൊള്ളേണ്ടവരാണ്’’– നിയമസഭയിൽ ഒരു എംഎൽഎ പറഞ്ഞതിന്റെ വിവാദച്ചൂട് ഒടുങ്ങിയിട്ടില്ല. പക്ഷേ അധികം വൈകാതെ അതിനപ്പുറം സംഭവിച്ചു. വൈദ്യ പരിശോധനയ്ക്കെത്തിയ ആളിന്റെ കുത്തേറ്റ് യുവ ഡോക്ടർ വന്ദനദാസ് മരിച്ചു. 25 വയസ്സേ ഉണ്ടായിരുന്നുള്ളൂ ഹൗസ് സർജൻ കോട്ടയം മാഞ്ഞൂർ സ്വദേശിനി ഡോ. വന്ദനദാസിന്. രോഗിയുടെ ബന്ധു ഡോക്ടറുടെ ബന്ധുവിനെ ചവിട്ടിത്തെറിപ്പിച്ച സംഭവം നടന്നത് ഏതാനും മാസം മുൻപാണ്. കേരളത്തിൽ ഡോക്ടർമാർ നിരന്തരം ആക്രമിക്കപ്പെടുന്നു. ആശുപത്രികളിൽ അക്രമം സ്ഥിരം സംഭവമാകുന്നു.