അന്ന് മുഖ്യമന്ത്രിയെ തടഞ്ഞ് ജയിലിൽ; ഇന്ന് എതിർസ്ഥാനാർഥിയായി ദിവ്യാൻഷു; വോട്ടാകുമോ ഖട്ടറിന്റെ ‘ട്രാക്ടർ റാലി’?

സംസ്ഥാനത്തെ രണ്ട് പ്രബലരായ ബിജെപി മുഖ്യമന്ത്രിമാരുടെ ഭാഗധേയം ഒരേ ദിവസം നിർണയിക്കാനുള്ള ഭാഗ്യം സിദ്ധിച്ചവരാണ് കർണാലിലെ വോട്ടർമാർ. 2 മാസം മുൻപ് വരെ ഹരിയാനയിലെ മുഖ്യമന്ത്രിയായിരുന്ന മനോഹർലാൽ ഖട്ടർ കർണാൽ ലോക്സഭാ മണ്ഡലത്തിലേക്കു മത്സരിക്കുമ്പോൾ, ഇപ്പോഴത്തെ മുഖ്യമന്ത്രി നായബ് സിങ് സെയ്നിയാണ് കർണാൽ നിയമസഭാ ഉപതിരഞ്ഞെടുപ്പിലെ ബിജെപി സ്ഥാനാർഥി. 25നാണ് വോട്ടെടുപ്പ്. മാർച്ചിലാണ് ഹരിയാനയിൽ ബിജെപി–ജെജെപി സഖ്യം തകർന്നത്. കർണാൽ എംഎൽഎയായിരുന്ന ഖട്ടറിനെ മുഖ്യമന്ത്രി സ്ഥാനത്തു നിന്നു നീക്കിയതോടെയാണ് കുരുക്ഷേത്ര എംപിയായ സെയ്‍നി മുഖ്യമന്ത്രിയായത്.