‘ആറിൽ’ വീഴുമോ ബിജെപിയുടെ ഉറച്ച കോട്ടകൾ? തോറ്റ 44ൽ അദ്ഭുതം പ്രതീക്ഷിച്ച് കോൺഗ്രസും

എത്ര കിട്ടിയാലും നേട്ടം– മേയ് 25നു നടക്കുന്ന ആറാം ഘട്ട വോട്ടെടുപ്പിൽ കോൺഗ്രസിന്റെ അവസ്ഥ ഇതാണ്. നിലവിൽ ഒരു സീറ്റും കൈവശമില്ല. 25നു വോട്ടെടുപ്പ് നടക്കുന്ന 58ൽ 44 സീറ്റിലും കഴിഞ്ഞതവണ മത്സരിച്ച കോൺഗ്രസ് ഒരിടത്തുപോലും ജയിച്ചില്ല. 53 സീറ്റിൽ മത്സരിച്ച ബിജെപി 40 ഇടത്ത് ജയിച്ചു. സീറ്റെണ്ണം രണ്ടക്കത്തിലേക്ക് എത്തിക്കാതെ രക്ഷയില്ലെന്നു ബോധ്യമുള്ള കോൺഗ്രസ് ഹരിയാനയിലും ഡൽഹിയിലും അദ്ഭുതം പ്രതീക്ഷിക്കുന്നു. നേരത്തേ മാറ്റിവയ്ക്കപ്പെട്ട കശ്മീരിലെ അനന്ത്നാഗ് രജൗരി ഉൾപ്പെടെയാണ് 58 സീറ്റുകൾ.