സൈറ, കനലൊരു തരി; ‘ഞാൻ പരമ്പരാഗത സഖാവല്ല; ഇടത് തിരിച്ചു വരും; രാഹുൽ ഗാന്ധി പ്രധാനമന്ത്രിയാകണം’

ഇഷ്ടപ്പെട്ട രാഷ്ട്രീയക്കാരൻ ആരെന്ന് ചോദിച്ചാൽ കൊൽക്കത്ത സൗത്തിലെ സിപിഎം സ്ഥാനാർത്ഥി സൈറാ ഷാ ഹാലിമിന്റെ ഉത്തരങ്ങളിലൊന്ന് രാഹുൽ ഗാന്ധിയാണ്. ബംഗാളിൽ സിപിഎമ്മിന്റെ തിരിച്ചുവരവിന് തുടക്കമിട്ടുവെന്ന് പറയപ്പെടുന്ന ബോളിഗഞ്ച് ഉപതിരഞ്ഞെടുപ്പിലെ സ്ഥാനാർഥിയായിരുന്ന സൈറ സ്വയം വിശേഷിപ്പിക്കുന്നത് പ്രോഗ്രസീവ് ലെഫ്റ്റ് എന്നാണ്. അതായത് താൻ പഴയ ബംഗാൾ കമ്യൂണിസ്റ്റ് അല്ല എന്ന്. കോൺഗ്രസ് പിന്തുണയോടെ ഇത്തവണ ലോക്സഭയിലേക്ക് മൽസരിക്കുന്ന സൈറ അത്ഭുതങ്ങൾ സൃഷ്ടിക്കുമെന്ന് ബംഗാൾ സിപിഎമ്മും കരുതുന്നു.