തോട്ടം മറ്റ് ആവശ്യത്തിനെങ്കിൽ ഭൂപരിധിയിൽ ഇളവില്ല: ലാൻഡ് ബോർഡിനെ തിരുത്തി റവന്യു വകുപ്പ്

തോട്ടഭൂമി ഉൾപ്പെടെ കേരള ഭൂപരിഷ്കരണ നിയമത്തിൽ ഇളവ് അനുവദിച്ച ഭൂമി മറ്റ് ആവശ്യങ്ങൾക്ക് ഉപയോഗിക്കുന്നതുമായി ബന്ധപ്പെട്ട് സംസ്ഥാന ലാൻഡ് ബോർഡ് ഇറക്കിയ വിവാദ സർക്കുലറിലെ പരാമർശം ദുർവ്യാഖ്യാനമാണെന്നു വ്യക്തമാക്കി റവന്യു വകുപ്പ് ഉത്തരവിറക്കി. ഇളവു ലഭിച്ച ഭൂമി പരിവർത്തനപ്പെടുത്തിയവർക്ക് എതിരെ മിച്ചഭൂമി കേസുകൾ പുനരാരംഭിക്കാനും ആവശ്യപ്പെട്ടു. ഭൂപരിഷ്കരണ നിയമപ്രകാരം സർക്കാരിനുള്ള പ്രത്യേക അധികാരം ഉപയോഗിച്ചാണ് സർക്കുലറിലെ നിയമവ്യാഖ്യാനങ്ങൾ തിരുത്തി റവന്യു പ്രിൻസിപ്പൽ സെക്രട്ടറി ടിങ്കു ബിസ്വാൾ ഉത്തരവിറക്കിയത്.