നിങ്ങളുടെ വീട്ടിലെ വൈദ്യുതി വിച്ഛേദിക്കാൻ ഈ 3 കാരണം മാത്രം: കെഎസ്ഇബിക്ക് കിട്ടാൻ 2310 കോടി; ഫ്യൂസ് ഊരുന്നത് പാവങ്ങളുടെ!

സർക്കാർ, സ്വകാര്യ സ്ഥാപനങ്ങളുടെ വൻതുക കുടിശിക പിരിച്ചെടുക്കാൻ മടിക്കുന്ന കെഎസ്ഇബി ബലം പിടിക്കുന്നതു സാധാരണക്കാരായ ഉപയോക്താക്കളോട്. 2023 മാർച്ച് 1നു ശേഷം വയനാടു ജില്ലയിൽ മാത്രം 3113 പട്ടിക വർഗ കുടുംബങ്ങളുടെ വൈദ്യുതിയാണു ബിൽ കുടിശികയെത്തുടർന്ന് കെഎസ്ഇബി വിച്ഛേദിച്ചത്. ഇതിൽ 1514 കുടുംബങ്ങൾക്കു വൈദ്യുതി പുനഃസ്ഥാപിച്ചു നൽകിയിട്ടുമില്ല. 2024 മാർച്ച് 31 വരെയുള്ള കണക്കനുസരിച്ച് 2310.70 കോടി രൂപയാണു സർക്കാർ, സ്വകാര്യ സ്ഥാപനങ്ങളിൽനിന്നു പിരിഞ്ഞു കിട്ടാനുള്ളത്. പലിശ കൂടാതെയാണ് ഈ തുക.