തോറ്റിട്ടും ദീദി അവരെ വിശ്വസിച്ചു; ‘അത് ബിജെപിയുടെ ചതിക്കുഴി’; മോദി വന്നിട്ടും അടിപതറി ബിജെപി

ലോക്സഭാ തിരഞ്ഞെടുപ്പിൽ മാത്രമല്ല, നിയമസഭാ ഉപതിരഞ്ഞെടുപ്പിലും പ്രതിപക്ഷ ഇന്ത്യാ സഖ്യം ബംഗാളിൽ നിലവിൽ വന്നില്ലെങ്കിലും ബംഗാൾ മുഖ്യമന്ത്രി മമതാ ബാനർജി തന്റെ ദൗത്യം നിറവേറ്റി. നാലു നിയമസഭാ സീറ്റുകളിലേക്ക് നടന്ന ഉപതിരഞ്ഞെടുപ്പിൽ നാലിലും ജയിച്ചു എന്നു മാത്രമല്ല, ദീദി തകർത്തത് കഴിഞ്ഞ രണ്ട് ലോക്സഭ തിരഞ്ഞെടുപ്പിലും നിയമസഭ തിരഞ്ഞെടുപ്പിലും ബിജെപിക്കൊപ്പം നിന്ന ശക്തികേന്ദ്രങ്ങളെയാണ്. ഇടത് സഖ്യവും കോൺഗ്രസും ധാരണയിൽ മൽസരിച്ചെങ്കിലും പതിവുപോലെ കെട്ടിവച്ച കാശുപോലും ലഭിച്ചില്ല.