പഴിചാരി രക്ഷപ്പെടേണ്ട; പ്രതിക്കൂട്ടിൽ 3 പേരുകൾ; എങ്ങനെ സംഭവിച്ചു ആമയിഴഞ്ചാനിൽ ഈ വീഴ്ചകൾ?

ആമയിഴഞ്ചാൻ തോട് കടന്നുപോകുന്ന സെൻട്രൽ റെയിൽവേ സ്റ്റേഷൻ പ്രദേശത്തെ മാലിന്യം നീക്കാൻ ഇറങ്ങിയ കരാർ തൊഴിലാളി ജോയി മുങ്ങിമരിച്ച സംഭവത്തിൽ റെയിൽവേയും കോർപറേഷനും മേജർ ഇറിഗേഷൻ വകുപ്പുമാണ് പ്രതിക്കൂട്ടിൽ. ഇവർ കാലാകാലങ്ങളിൽ ചെയ്യേണ്ടിയിരുന്ന ഉത്തരവാദിത്തങ്ങളും സംഭവിച്ച വീഴ്ചകളുമാണ് ഇത്തരമൊരു ദുരന്തത്തിലേക്കു നയിച്ചതെന്നു പറയേണ്ടി വരും. എന്തെല്ലാം ഉത്തരവാദിത്തങ്ങളായിരുന്നു ഈ മൂന്നു വിഭാഗവും നിറവേറ്റേണ്ടിയിരുന്നത്? എന്തെല്ലാമാണ് സംഭവിച്ച വീഴ്ചകൾ?