പടുകൂറ്റൻ സൂര്യനും കല്ലുകൾ നിറഞ്ഞ ഗ്രഹവും; സൗരയൂഥത്തിന് പുറത്ത് 6 പുതിയ അതിഥികൾ; അമ്പരപ്പിന് കാരണമുണ്ട്...

ഒറ്റയടിക്ക് ആറ് പുതിയ ഗ്രഹങ്ങളെ സൗരയൂഥത്തിനു പുറത്തു കണ്ടെത്തിയെന്ന വാർത്ത നാസ പുറത്തുവിട്ടപ്പോൾ ലോകത്തിനുണ്ടായ അമ്പരപ്പ് ഇപ്പോഴും മാറിയിട്ടില്ല. ശാസ്ത്രലോകത്തിനും ഏറെ പ്രതീക്ഷകളാണ് ഓരോ എക്സോപ്ലാനറ്റും നൽകുന്നത്. ഭൂമിയെക്കൂടാതെ വേറെ എവിടെയെങ്കിലും ജീവനുണ്ടോ, അന്യഗ്രഹജീവികളുണ്ടോ എന്ന ചോദ്യം തുടരെ ഉയരുമ്പോൾ അതിന്റെ ഉത്തരം പറയാൻ ഏറ്റവും യോഗ്യമായത് എക്സോ പ്ലാനറ്റുകളാണ്.

എന്താണ് സൗരയൂഥേതര ഗ്രഹങ്ങൾ? നാസ കണ്ടെത്തിയ 6 പുതിയ ഗ്രഹങ്ങള്‍ക്ക് എന്താണിത്ര പ്രത്യേകത? ഓരോ ശാസ്ത്രപ്രേമിയെയും ആശ്ചര്യപ്പെടുത്തുന്ന ആ വിവരങ്ങൾ വിശദമായി പങ്കുവയ്ക്കുകയാണ് കൊച്ചി ശാസ്ത്ര സാങ്കേതിക സർവകലാശാലയിലെ സെന്റർ ഫോർ സയൻസ് ഇൻ സൊസൈറ്റി അസി. പ്രഫസർ ഡോ. അബേഷ് രഘുവരൻ.