ഇനി കലക്ടർ കാഴ്ചക്കാരൻ; പൂരപ്രേമികൾ വേലിക്ക് പുറത്ത്; അമിട്ടിന്റെ പകിട്ട് കെടുത്താൻ കേന്ദ്രത്തിന്റെ 200 മീറ്റർ!

വെടിക്കെട്ടുകൾ സുരക്ഷിതമാക്കാൻ കേന്ദ്ര അന്വേഷണ കമ്മിഷൻ ശുപാർശ ചെയ്ത 37 നിർദേശങ്ങളിൽ ഉൾപ്പെടാതിരുന്ന ഒരു പുതിയ നിർദേശം കേന്ദ്രസർക്കാരിന്റെ വിജ്ഞാപനത്തിൽ കയറിപ്പറ്റിയിരിക്കുന്നു. ഇതാണ് തൃശൂർ പൂരമടക്കം സകല ഉത്സവങ്ങളിലെയും വെടിക്കെട്ട് പ്രതിസന്ധിയ‍ിലാക്കുന്നത്. വെടിക്കോപ്പുകൾ സംഭരിച്ചു വയ്ക്കുന്ന മാഗസിനും വെടിക്കെട്ട് നടക്കുന്ന സ്ഥലവും (ഫയർലൈൻ) തമ്മിൽ 200 മീറ്റർ അകലം വേണമെന്നു കമ്മിഷന്റെ റിപ്പോർട്ടിലുണ്ടായിരുന്നില്ല. ഈ നിർദേശം പിന്നീടെങ്ങനെ സർക്കാർ ഉത്തരവിൽ കയറിപ്പറ്റി? ഇതുസംബന്ധിച്ചാണു ചർച്ചകളും ഊഹാപോഹങ്ങളും പെരുകുന്നത്. നിലവിൽ തൃശൂർ പൂരത്തിന്റെ വെടിക്കെട്ട് നടക്കുന്ന മൈതാനവും വെടിക്കോപ്പുകൾ സംഭരിച്ചു വയ്ക്കുന്ന മാഗസിനും തമ്മിലുള്ള അകലം 45 മീറ്റർ മാത്രമാണ്. ഇവിടെ നിന്ന് പരമാവധി 30 മീറ്റർ കഴിഞ്ഞാൽ സ്വരാജ് റൗണ്ട് എത്തും. അതിനാൽ തന്നെ പുതിയ നിർദേശം പ്രാബല്യത്തിൽ വന്നാൽ, തൃശൂർ പൂരത്തിന്റെ വെടിക്കെട്ട് റോഡിലോ അല്ലെങ്കിൽ അതിനും അപ്പുറമുള്ള വ്യാപാരസ്ഥാപനങ്ങളുടെ പരിസരങ്ങളിലോ നടത്തേണ്ടിവരും. അത് ഒരിക്കലും പ്രായോഗികമല്ലാത്തതിനാൽ തന്നെ വെടിക്കെട്ട് നടത്തിപ്പുതന്നെ പ്രതിസന്ധിയിലാകും. കേരളത്തിലെ മിക്ക ക്ഷേത്രങ്ങളുടെയും സ്ഥിതി ഇതുതന്നെയാകുമെന്നതിൽ സംശയമില്ല. 200 മീറ്ററിൽ കൂടുതൽ സ്ഥല സൗകര്യമുള്ള ക്ഷേത്രങ്ങൾ