∙ എന്റെയൊക്കെ ഡേറ്റ കിട്ടിയിട്ട് അവർക്കെന്തു കാര്യം? ∙ മടിയിൽ കനമുള്ളവർ മാത്രം ഡേറ്റ കൊടുക്കുമ്പോൾ പേടിച്ചാൽ പോരേ? ∙ ഗൂഗിളിന്റെ കയ്യിൽ എല്ലാ ഡേറ്റയും ഇല്ലേ, ഇനിയെന്തു പോകാൻ? വിവരസുരക്ഷയെക്കുറിച്ചു പറയുമ്പോൾ ഒട്ടേറെപ്പേർ പൊതുവായി ചോദിക്കുന്ന മൂന്നു ചോദ്യങ്ങളാണിവ. ഒരു കൂട്ടർ അജ്ഞതകൊണ്ടും മറ്റൊരു കൂട്ടർ വെറുമൊരു വാദത്തിനും ഉന്നയിക്കുന്നതാണിത്. ഈ ചോദ്യങ്ങൾക്കുള്ള മറുപടിയാണ് കഴിഞ്ഞ വർഷം ഫെബ്രുവരിയിൽ പ്രമുഖ ധനകാര്യസ്ഥാപനമായ ഇന്ത്യ ബുൾസിന്റെ ഉടമസ്ഥതയിലുള്ള ‘ധനി’ ലോൺ ആപ് വഴി നടന്ന വൻതട്ടിപ്പ്.