പണ്ടുകാലത്ത് കേരളത്തിലെ ഉൾനാടൻ പ്രദേശങ്ങളിൽ ഭക്ഷണവും മറ്റ് അവശ്യസാധനങ്ങളും കൊണ്ടെത്തിക്കാൻ ആയിരുന്നു കെട്ടുവള്ളങ്ങൾ ഉപയോഗിച്ചിരുന്നത്. എന്നാൽ, ഇന്ന് ആ വള്ളങ്ങൾ ഉൾപ്പെടെയുള്ള ജലയാനങ്ങൾ ‍കേരളത്തിന്റെ ടൂറിസം രംഗത്തെ ഒഴിവാക്കാനാവാത്ത ഘടകമായി മാറിയെന്ന് കണക്കുകൾ സൂചിപ്പിക്കുന്നു. ലക്ഷക്കണക്കിനു രൂപ മുതൽമുടക്കുള്ള വള്ളങ്ങളും ബോട്ടുകളും നല്ലരീതിയിൽ പരിപാലിച്ച് കൊണ്ടുപോകുന്നത് അത്ര എളുപ്പമുള്ള കാര്യമല്ല. കേരളത്തിൽ ബോട്ടുദുരന്തങ്ങൾ തുടർക്കഥയാകുമ്പോൾ, ഈ മേഖലയെ ആശ്രയിച്ച് ജീവിക്കുന്നവർക്ക് എന്തായിരിക്കും പറയാനുള്ളത്? ഈ രംഗത്തുനിന്നുള്ള സാമ്പത്തികനേട്ടം എന്തായിരിക്കും?