2019 ജൂലൈ 10, കോടിക്കണക്കിന് ക്രിക്കറ്റ് ആരാധകരെ നിരാശയിലാഴ്ത്തി ലോകകപ്പ് ക്രിക്കറ്റിന്റെ സെമിഫൈനലിൽ ഇന്ത്യ പുറത്തായ ദിവസം. ന്യൂസിലൻഡ് താരം മാർട്ടിൻ ഗുപ്ടിലിന്റെ ഡയറക്ട് ത്രോയിൽ എം.എസ്. ധോണി റണ്ണൗട്ടായ നിമിഷം ഗാലറിയിലെ കാണികൾക്കൊപ്പം ടെലിവിഷനുകൾക്കു മുൻപിൽ തത്സമയ മത്സരം കണ്ടിരുന്ന കോടിക്കണക്കിന് ആരാധകരുടെ ഹൃദയവും തകർന്നു. 49–ാം ഓവർ വരെ, ധോണി ക്രീസിലുണ്ടായിരുന്ന ഓരോനിമിഷവും ജയപ്രതീക്ഷയിലായിരുന്നവർക്ക് വിശ്വസിക്കാനാകുന്നതിലും അപ്പുറമായിരുന്നു ആ പുറത്താകൽ.