ഉപദേഷ്ടാവിന്റെ ‘ഉപദേശം’

പൗർണമിയും അമാവാസിയുമായി ചന്ദ്രനു ബഹിരാകാശത്തു വൃദ്ധിക്ഷയങ്ങൾ ശീലമാണെങ്കിലും ബഹിരാകാശ ശാസ്ത്രജ്ഞൻ എം.ചന്ദ്രദത്തനു ഭൂമിയിൽ ഇതുപോലൊരു ക്ഷയമുണ്ടാകുമെന്ന് ആരും കരുതിയില്ല. ‘‘നീയൊക്കെ തെണ്ടാൻ പോടേ, വേറെ പണിയൊന്നുമില്ലേ ’’ എന്ന് എം.സി.ദത്തൻ ഉപദേശിക്കുന്നതു തത്സമയം ലോകം കണ്ടു. യുഡിഎഫ് സെക്രട്ടേറിയറ്റ് സമരത്തിന്റെ ഭാഗമായി തന്നെ പൊലീസ് തടഞ്ഞതിനു പ്രതികരണം തേടിച്ചെന്ന മാധ്യമപ്രവർത്തകനോടായിരുന്നു മുഖ്യമന്ത്രിയുടെ ശാസ്ത്ര ഉപദേഷ്ടാവുകൂടിയായ കക്ഷിയുടെ ദേഷ്യം.