ഇതാണ് ജിഎസ്ടി ‘അടവ്’

കരിമണൽക്കമ്പനിയിൽ നിന്നു കിട്ടിയ കാശിന്റെ ഒരംശത്തിന് ദശാംശാടിസ്ഥാനത്തിൽ ജിഎസ്ടി അടച്ച ടി.വീണയെന്ന സംരംഭകയെ വീണ്ടും സംശയത്തിന്റെ മുൾമുനയിൽ നിർത്തുന്നതു ന്യായമല്ലെന്നാണ് പ്രഥമദൃഷ്ട്യാ കരുതേണ്ടത്. ഇക്കാര്യത്തിൽ മാത്യു കുഴൽനാടന്റെ തീരാസംശയങ്ങൾക്കു തന്നെക്കൊണ്ടു ‘നൽകാവുന്ന മറുപടി’ ഇതാണെന്നു മന്ത്രി ബാലഗോപാൽ പറഞ്ഞതാണ്. ‘ഈ എപ്പിസോഡ് മാത്യു ഇവിടെ അവസാനിപ്പിക്കണം’ എന്നും അപേക്ഷപോലെ പറഞ്ഞു. പക്ഷേ, ഉടുമ്പു പിടിക്കുന്നതു പോലെയാണു മാത്യു. ഒരു വിഹിതത്തിനു ജിഎസ്ടി അടച്ചോ എന്നതല്ല മുഖ്യമന്ത്രിയുടെ മകൾ അഴിമതിപ്പണം വാങ്ങിയോ എന്നതാണു കാര്യമെന്നും കക്ഷി മാറ്റിപ്പിടിച്ചു. ജിഎസ്ടി റജിസ്ട്രേഷനു മുൻപു തന്നെ അഴിമതിപ്പണം വാങ്ങിത്തുടങ്ങിയെന്നും പറഞ്ഞുവച്ചു.