ജഡ്ജിക്ക് മുൻപിൽ ഉമ്മൻ ചാണ്ടി പറഞ്ഞു, ഗണേഷ് കുമാറിന്റെ പകയുടെ കാരണം...!

ഉമ്മൻ ചാണ്ടി മന്ത്രിസഭയിൽ വനംമന്ത്രിയായിരിക്കെയാണ് കേരള കോൺഗ്രസ് (ബി) നേതാവ് ഗണേഷ് കുമാര്‍ രാജി വയ്ക്കുന്നത്. ആദ്യ ഭാര്യ നൽകിയ ഗാർഹിക പീഡന പരാതിയായിരുന്നു രാജിയിൽ കലാശിച്ചത്. എന്നാൽ ആ കേസ് ഒത്തുതീർപ്പായതോടെ മന്ത്രിസഭയിലേക്കു തിരികെ വരണമെന്ന ആഗ്രഹം അദ്ദേഹം പ്രകടിപ്പിച്ചു. അതു ന‍ടന്നില്ലെന്നു മാത്രം. വർഷങ്ങൾക്കിപ്പുറം വീണ്ടും മന്ത്രിസ്ഥാനത്തേക്ക് എത്തിയിരിക്കുകയാണ് ഗണേഷ്. അതും രണ്ടാം പിണറായി മന്ത്രിസഭയിൽ. ഒരിക്കൽ ഗണേഷിന്റെ രാജിക്കു വേണ്ടി മുറവിളി കൂട്ടിയവർ ഇന്ന് അദ്ദേഹത്തെ മന്ത്രിക്കസേരയിലേക്ക് ആനയിക്കുന്നു.