‘എകെജിയെ നിഷേധിക്കുന്നത് പിണറായി, അയോധ്യയിൽ എന്ത് ദേവചൈതന്യം? ഞാൻ സ്റ്റേജിൽ കയറാൻ മടിയുള്ള കുട്ടി’

കേരളത്തിലെ യുവ രാഷ്ട്രീയ നിരയിൽ ശ്രദ്ധേയനാണ് വി.ടി.ബൽറാം. തൃത്താലയിൽ നിന്ന് രണ്ടു തവണ നിയമസഭാ സാമാജികമായ ബൽറാം ഇപ്പോൾ കെപിസിസി വൈസ് പ്രസിഡന്റാണ്. അഭിപ്രായങ്ങളും നിലപാടുകളും ആർജവത്തോടെ പ്രകടിപ്പിക്കാറുള്ള ബൽറാം സമൂഹമാധ്യമങ്ങളിൽ ഏറ്റവും ചലനം സൃഷ്ടിക്കുന്ന കേരളത്തിലെ രാഷ്ട്രീയ നേതാക്കളിൽ ഒരാൾ കൂടിയാണ്. ബിടെക്, എംബിഎ ബിരുദധാരിയായ ഈ യുവ നേതാവ് പുതിയ, മാറുന്ന കാലത്തെ രാഷ്ട്രീയനേതൃത്വത്തെയാണ് പ്രതിനിധീകരിക്കുന്നത്.ലോക്സഭാ തിരഞ്ഞെടുപ്പിന്റെ ഒരുക്കങ്ങളിലേക്ക് മുന്നണികൾ പ്രവേശിക്കുന്ന ഈ ഘട്ടത്തിൽ മലയാള മനോരമ തിരുവനന്തപുരം ചീഫ് ഓഫ് ബ്യൂറോ സുജിത് നായരോട് ‘ക്രോസ് ഫയറിൽ’ വി.ടി.ബൽറാം സംസാരിക്കുന്നു.