രാമ ക്ഷേത്രം നിർമിച്ചതിൽ അഭിമാനം; എഴുത്തുകാരൻ തൂലികയുടെ മൂർച്ച കളയരുത്! ഡോ. ജോർജ് ഓണക്കൂറിന്റെ മുന്നറിയിപ്പ്

‘രാമക്ഷേത്ര നിർമാണത്തിൽ ഇന്ത്യക്കാരൻ എന്ന നിലയിൽ ഞാൻ അഭിമാനിക്കുന്നു. അയോധ്യയിൽ കോൺഗ്രസ് പോകണമെന്ന അഭിപ്രായം എനിക്കില്ല. എന്നാൽ പോകുന്നതിൽ അപാകതയൊന്നും കാണുന്നുമില്ല. ക്ഷേത്ര നിർമാണത്തിൽ എനിക്ക് വ്യക്തമായ കാഴ്ചപ്പാടുണ്ട്’. പ്രമുഖ സാഹിത്യകാരൻ ഡോ. ജോർജ് ഓണക്കൂറിന്റെ വാക്കുകളാണിത്. നോവലുകളിലൂടെയും കഥകളിലൂടെയും വായനക്കാർക്കിടയിൽ ചിരപ്രതിഷ്ഠ നേടിയ എഴുത്തുകാരനാണ് ഡോ. ജോർജ് ഓണക്കൂർ. അഭിപ്രായങ്ങൾ വെട്ടിത്തുറന്നു പറയാൻ മടിയില്ലാത്ത അദ്ദേഹം രാമക്ഷേത്ര നിർമാണത്തിന് പൂർണ പിന്തുണയാണ് നൽകുന്നത്.