മക്കൾസംരംഭം കെ– മാതൃക

സത്യമല്ലാത്തതു പറയാനും കൂടിയാണ് നിയമസഭാംഗത്തിനു പ്രത്യേക അവകാശമുള്ളത്. പ്രിവ്‌ലിജ് എന്നാണ് ഓമനപ്പേര്. സാദാ വോട്ടർ സ്വന്തം വീട്ടിനുള്ളിൽനിന്നാണ് വിരോധമുള്ളവരെ ചീത്തവിളിക്കാറ്. ‘ധൈര്യമുണ്ടെങ്കിൽ പുറത്തേക്കു വാ’ എന്നേ കേൾക്കുന്നവനു വെല്ലുവിളിക്കാൻ കഴിയൂ. അതാണു വീട്ടുമിടുക്കിന്റെ പ്രിവ്‌ലിജ്. നിയമസഭയും ‘ഹൗസ്’ തന്നെ. വോട്ടു ജാസ്തി കിട്ടിയവരാണു പൊറുതി. ‘ധൈര്യമുണ്ടെങ്കിൽ സഭയ്ക്കു പുറത്തുവന്നു പറയ്’ എന്നാണ് അവിടെയും വെല്ലുവിളി.