GLOBAL CANVAS

പുട്ടിൻ, ഷി, മോദി... കാലം മാറുന്നു, ഭരണാധികാരികളും മാറേണ്ടേ? സിംഗപ്പൂർ ലോകത്തെ പഠിപ്പിക്കുന്നത്...– ഡോ. കെ.എൻ. രാഘവൻ എഴുതുന്നു

നമ്മൾ ജീവിക്കുന്ന കാലഘട്ടം ശക്തമായ ഭരണാധികാരികളുടെ യുഗമാണെന്ന വസ്തുതയെ കുറിച്ച് രാഷ്ട്രീയ നിരീക്ഷകരുടെ ഇടയില്‍ അഭിപ്രായ ഭിന്നത ഉണ്ടാകാറില്ല. റഷ്യയിലെ വ്ളാഡ്മിർ പുട്ടിൻ, ചൈനയിലെ ഷി ചിൻപിങ്, തുർക്കിയിലെ എർദൊഗാൻ, ഇന്ത്യയിലെ നരേന്ദ്ര മോദി എന്നിവരെ ഇതിന്റെ ഉദാഹരണങ്ങളായി ചൂണ്ടിക്കാണിക്കുകയും ചെയ്യാം. മേൽപ്പറഞ്ഞ നേതാക്കൾ എല്ലാംതന്നെ ശക്തരാണ്; ജനപിന്തുണയുള്ളവരാണ്; പാർട്ടിയെ തങ്ങളുടെ ചൊൽപ്പടിക്ക് നിർത്തുന്നവരാണ്; ജനപ്രീതി ലഭിക്കാത്ത തീരുമാനങ്ങൾ എടുക്കുവാനും അവ നടപ്പാക്കാനുമുള്ള ധൈര്യം കാണിക്കുന്നവരുമാണ്. ഇതിനെല്ലാം പുറമേ രാഷ്ട്രീയ എതിരാളികളെ ഒതുക്കുവാനും തങ്ങളുടെ സ്ഥാനത്തിന് നേരെ യാതൊരു രീതിയിലുള്ള വെല്ലുവിളികളും ഉയരാതിരിക്കുവാനും ഇവർ എപ്പോഴും പ്രത്യേകം ശ്രദ്ധിക്കുന്നു.