അമളി ആർക്കും പറ്റാം, പക്ഷേ....

ഇന്ത്യയുടെ വിദേശകാര്യമന്ത്രി എസ്.എം.കൃഷ്ണ 2011 ഫെബ്രുവരി 11ന് ഐക്യരാഷ്ട്രസഭയിലെ യോഗത്തിൽ വായിച്ചു, ‘പോർട്ടുഗീസ് ഭാഷ സംസാരിക്കുന്ന ബ്രസീൽ, പോർട്ടുഗൽ എന്നീ രണ്ടു രാജ്യങ്ങൾ ഇന്നിവിടെയുള്ളതിൽ വ്യക്തിപരമായി എനിക്കു സന്തോഷമുണ്ട്’. പോർട്ടുഗീസ് വിദേശകാര്യമന്ത്രിയുടെ പ്രസംഗമെടുത്ത് ഇന്ത്യയുടേതെന്നു തെറ്റിദ്ധരിച്ചു വായിച്ചതാണ്. ഇന്ത്യയുടെ സ്ഥിരം പ്രതിനിധി ഹർദീപ് സിങ് പുരി തെറ്റു തിരിച്ചറിഞ്ഞ്, പ്രസംഗം മാറിപ്പോയതു മന്ത്രിയെ മനസ്സിലാക്കിയതു കാരണം കൂടുതൽ കുഴപ്പമുണ്ടായില്ല. പക്ഷേ, അതിരില്ലാത്ത അമളി പിണഞ്ഞതു തിരിച്ചറിഞ്ഞ നിമിഷം മന്ത്രിയുടെ മനസ്സ് എങ്ങനെയായിക്കാണുമെന്നു ചിന്തിച്ചു നോക്കുക.