പിടിവള്ളി തന്നവരെ സിപിഎം മറന്നു; പ്രിയങ്കയെ എതിർക്കണോ സിപിഐ? ആ വാക്ക് സിപിഎം ഇനി മിണ്ടില്ല!
![PTI11_07_2023_000190B **EDS: IMAGE VIA @INCIndia** Kurud: AICC General Secretary Priyanka Gandhi Vadra addresses a public meeting for Chhattisgarh Assembly elections, in Kurud, Tuesday, Nov. 7, 2023. (PTI Photo)(PTI11_07_2023_000190B)](https://img-mm.manoramaonline.com/content/dam/mm/mo/premium/life/images/2023/10/13/priyanka-chattisgarh.jpg?w=1120&h=583)
Mail This Article
വയനാട്ടിൽ രാഹുൽ ഗാന്ധിക്കു പകരം ഒരു രാഷ്ട്രീയ മത്സരത്തിന് പ്രിയങ്ക എത്തുകയാണ്. എന്തുകൊണ്ടും ഉചിതമായ തീരുമാനം. കേരളത്തിൽ യോഗ്യതയുള്ളവർ ഇല്ലാഞ്ഞിട്ടല്ല, മറിച്ച് ഇന്ത്യൻ പാർലമെൻറിൽ ബിജെപിയെ നേരിടാൻ ശക്തമായ പ്രതിരോധം കോൺഗ്രസ് സൃഷ്ടിക്കേണ്ടതുണ്ട്. അതിനു യോജിച്ച നേതാവായി ഇപ്പോൾ പാർലമെന്റിന് പുറത്തെന്നപോലെ ഭാവിയിൽ ഇന്ത്യൻ ജനാധിപത്യത്തിന് അനുയോജ്യമായ തരത്തിൽ പാർലമെന്റിനകത്തും പ്രിയങ്ക ഗാന്ധി വളർന്നു വരേണ്ടത് മതനിരപേക്ഷ ജനാധിപത്യ മുന്നേറ്റത്തിന് ആവശ്യമാണ്. അത്തരമൊരു സാഹചര്യമൊരുക്കാൻ അനുയോജ്യമായ തീരുമാനമാണ് കോൺഗ്രസ് കേന്ദ്ര നേതൃത്വം എടുത്തിരിക്കുന്നത്. ഫാഷിസ്റ്റ് ഭീഷണി ഒട്ടും ഒഴിഞ്ഞു പോകാത്ത വർത്തമാനകാല ഇന്ത്യൻ സാഹചര്യത്തിൽ, ഇതിനെതിരെയുള്ള ചെറുത്തുനിൽപ് ദീർഘകാലയളവിൽ നിലനിൽക്കേണ്ടതുണ്ട് എന്ന തിരിച്ചറിവിന്റെ വെളിച്ചത്തിൽ, സിപിഐ പ്രിയങ്കയെ വയനാട്ടിൽ എതിർക്കാതിരിക്കുന്നതാകും ബുദ്ധി. സിപിഎം കേരള നേതൃത്വം അത്തരമൊരു തീരുമാനത്തെ എങ്ങനെ സ്വീകരിക്കുമെന്ന് നോക്കി ശങ്കിച്ചു നിന്നാൽ അത് ബാധിക്കുന്നത്