ആ നീക്കത്തിനു കാരണം ചൈനയുടെ ഭീഷണി; ‘അശാന്തിയുടെ താഴ്‌വര’; ഭീകരരുടെ പുതിയ ലക്ഷ്യം ജമ്മു?

കശ്മീർ താഴ്‌വര വിട്ട് ഭീകരർ ജമ്മു ലക്ഷ്യമിടുകയാണോ? 2 മാസത്തിനിടെ കശ്മീരിൽ ഒരു ഭീകരാക്രമണം നടന്നപ്പോൾ ജമ്മുവിൽ നടന്നത് 6 ആക്രമണം. ലോക്സഭാ തിരഞ്ഞെടുപ്പ് ഇവിടെ പ്രശ്നങ്ങളില്ലാതെ നടത്തിയതിനു പിന്നാലെ വരുന്ന നിയമസഭാ തിരഞ്ഞെടുപ്പുകാലത്ത് അശാന്തി സൃഷ്ടിക്കാൻ ഭീകരാക്രമണമുണ്ടാകുമെന്ന് അധികൃതർ കണക്കുകൂട്ടിയിരുന്നു. അമർനാഥ് തീർഥാടനകാലത്തും ഈ ആശങ്കയുണ്ടായിരുന്നു. അതിനാൽ ശക്തമായ സുരക്ഷയൊരുക്കി. എന്നാൽ, ശ്രീനഗർ താഴ്‌വര താരതമ്യേന ശാന്തമായിരിക്കെ ജമ്മുവിലായി ഭീഷണി.