സ്വാതന്ത്ര്യസമര സേനാനികളുടെ കുടുംബാംഗങ്ങൾക്ക് സർക്കാർ ജോലിയിൽ സംവരണം നൽകുന്നതുമായി ബന്ധപ്പെട്ട പ്രക്ഷോഭത്തിൽ ഇളകിമറിയുകയാണ് ബംഗ്ലദേശ് രാഷ്ട്രീയം. അവാമി ലീഗിന് തങ്ങള്ക്ക് താൽപര്യമുള്ളവരെ ജോലിയിൽ തിരുകിക്കയറ്റാനുള്ള ശ്രമമാണ് ഇതെന്നാണ് പ്രതിപക്ഷ കക്ഷിയായ ബിഎൻപിയുടെ ആരോപണം.
ധാക്ക സർവകലാശാലയിൽ ആരംഭിച്ച സമരം അവാമി ലീഗിന്റെ ഭാവിയെത്തന്നെ ബാധിക്കുമോ? ഈ സമരം ഇന്ത്യ–ബംഗ്ലദേശ് ബന്ധത്തെ എങ്ങനെ ബാധിക്കും? ഇന്ത്യ കരുതലെടുക്കേണ്ട ആവശ്യമുണ്ടോ? എന്നീ വിഷയങ്ങൾ വിശദമാക്കി ഡോ. കെ.എൻ.രാഘവൻ തയാറാക്കി ജൂലൈ 29ന് പ്രസിദ്ധീകരിച്ച ‘ഗ്ലോബൽ കാൻവാസ്’ കോളം പുനപ്രസിദ്ധീകരിക്കുന്നു
ബംഗ്ലദേശിൽ സ്വാതന്ത്ര്യ സമര സേനാനികളുടെ കുടുംബാഗങ്ങൾക്ക് സംവരണം നൽകാനുള്ള നയത്തിനെതിരെ വിദ്യാർഥികൾ നടത്തിയ സമരത്തിൽ നിന്ന് (Photo by MUNIR UZ ZAMAN / AFP)
Mail This Article
×
ഏതൊരു രാജ്യത്തിന്റെയും സുരക്ഷയ്ക്കും സാമ്പത്തിക വളര്‍ച്ചയ്ക്കും ആവശ്യമായ ഘടകങ്ങളില്‍ ഏറ്റവും പ്രധാനം അയല്‍ രാജ്യങ്ങളുമായുള്ള നല്ല ബന്ധമാണ്‌. ഇന്ത്യയുടെ ദൗർഭാഗ്യം എന്നുതന്നെ പറയാം, 1947ല്‍ നമ്മുടെ ജന്മം മുതല്‍ തന്നെ അയല്‍ രാജ്യങ്ങളുമായി സംഘര്‍ഷം തുടങ്ങി. ആദ്യം പാക്കിസ്ഥാനും പിന്നെ ചൈനയും നമ്മുടെ ശത്രുപക്ഷത്തായി. ഭൂട്ടാന്‍ ഒഴിച്ചുള്ള ബാക്കി അയല്‍ രാജ്യങ്ങളുമായുള്ള ബന്ധങ്ങളില്‍ പലപ്പോഴും സംഘര്‍ഷത്തിന്റെ കരിനിഴല്‍ വീഴാറുണ്ട്‌. എന്നാല്‍ ഇതിനൊരു അപവാദമാണ്‌ കഴിഞ്ഞ 15 വര്‍ഷങ്ങളായി ഇന്ത്യയും ബംഗ്ലദേശും തമ്മിലുള്ള നല്ല ബന്ധം.
ഡല്‍ഹിയും ധാക്കയും തമ്മിലുള്ള ഉഭയകക്ഷി ബന്ധം വലിയ രീതിയിലുള്ള വഴക്കുകളും അഭിപ്രായ വ്യത്യാസങ്ങളും ഇല്ലാതെ നല്ല രീതിയില്‍ മുന്‍പോട്ട്‌ നീങ്ങുന്നതിന്‌ പ്രധാന കാരണം 2009 മുതല്‍ ബംഗ്ലദേശില്‍ അധികാരത്തിലിരിക്കുന്ന ഷെയ്ഖ് ഹസീനയുടെ നേതൃത്വത്തിലുള്ള സര്‍ക്കാരിന്റെ നയങ്ങളും നടപടികളും തന്നെയാണെന്ന്‌ നിസ്സംശയം പറയുവാന്‍ സാധിക്കും. അതുകൊണ്ടുതന്നെ അവാമി ലീഗ്‌ എന്ന പാര്‍ട്ടി നയിക്കുന്ന ഈ സര്‍ക്കാരിനെതിരെ വമ്പിച്ച ജനരോഷം ധാക്കയില്‍ ഉയരുമ്പോള്‍ ഇതിനെക്കുറിച്ച്‌ ആലോചിച്ചു ഡല്‍ഹിയിലും കുറച്ചു തലവേദനകള്‍ ഉണ്ടാകുന്നത്‌ സ്വാഭാവികം മാത്രം.
English Summary:
Bangladesh Political Turmoil: How Sheikh Hasina's Policies Impact India's Security and Economy?
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
