പ്രവചന റഡാറുകള്‍ മുൻകൂട്ടി കണ്ടു; മേഘച്ചുഴിക്കു പിന്നിൽ ഒളിച്ച അപകടം; വയനാട്ടിൽ പൊട്ടിവീണത് ‘ജലബോംബ്’

തയാറെടുപ്പുകളെയും മുന്നറിയിപ്പുകളെയും ചുവപ്പു ജാഗ്രതകളെയുമെല്ലാം കടപുഴക്കിയാണ് വീണ്ടും ദുരന്തത്തിന്റെ പെരുമഴ പെയ്തിറങ്ങുന്നത്. വയനാട്ടിൽ മണ്ണിടിച്ചിൽ ഉണ്ടായ പ്രദേശത്തിനു മുകളിലായി പതിവിലും അസാധാരണമായ അതിതീവ്ര മഴ കഴിഞ്ഞ 48 മണിക്കൂറിൽ വ്യാപകമായി രേഖപ്പെടുത്തിയിരുന്നു. ജൂലൈ മാസത്തിൽ പതിവില്ലാത്ത ഇടിയും മിന്നലും ഇന്നലത്തെ (ജൂലൈ 29) മഴയ്ക്ക് അകമ്പടിയായത് നിരീക്ഷകരെ ജാഗരൂഗരാക്കിയെങ്കിലും ദുരന്തം തടയാനായില്ല. കൊച്ചി സർവകലാശാല ജൂലൈ 29നു വൈകുന്നേരം പുറത്തുവിട്ട റഡാർ ചിത്രങ്ങളിൽ മഞ്ഞയും ചുവപ്പും കലർന്ന മേഘഭാഗങ്ങൾ മധ്യകേരളത്തിനും ഉത്തര കേരളത്തിനും മീതേ കാണാമായിരുന്നു. മേഘച്ചുഴിക്കു പിന്നിൽ അപകടം ഒളിച്ചുവച്ചെത്തിയ മഴയായിരുന്നു ഇന്നലത്തേത്. പ്രവചന റഡാറുകൾ അവയെ മുൻകൂട്ടി കണ്ടുവെങ്കിലും എന്തുചെയ്യണമെന്നറിയാത്ത നമ്മുടെ സംവിധാനങ്ങളുടെ