കംപ്യൂട്ടറിനെ എതിർത്തതിൽ പശ്ചാത്താപം: നേതാക്കള്‍ രാജാക്കന്മാരെപ്പോലെ: മാറ്റം സ്വപ്നം കണ്ടു, പാർട്ടി തോൽപിച്ചു

സിപിഎം ബംഗാൾ ഘടകത്തിന്റെ തെറ്റുകളാൽ തോൽപിക്കപ്പെട്ട കമ്യൂണിസ്റ്റ് നേതാവായിരുന്നു ബുദ്ധദേവ് ഭട്ടാചാര്യ. അദ്ദേഹവും ഒരു തെറ്റു ചെയ്തു: പാർട്ടിക്കു മാറ്റങ്ങൾ സാധ്യമാണെന്നു സ്വപ്നം കണ്ടു. എന്നാൽ, പാർട്ടിയുടെ ബംഗാളിലെ സമ്പൂർണ പതനത്തിന്റെ നായകനെന്ന വിശേഷണമാണ് ബുദ്ധദേവിനു ലഭിച്ചത്. ബംഗാളിലെ ഇടതുഭരണത്തിന്റെ അവസാനകാലത്താണ് കൊൽക്കത്തയിലെ റൈറ്റേഴ്സ് ബിൽഡിങ്ങിൽവച്ച് മുഖ്യമന്ത്രി ബുദ്ധദേവ് ഭട്ടാചാര്യയെ കണ്ടത്. ചുണ്ടിലെ സിഗരറ്റിന്റെ പുകയ്ക്കിടയിലൂടെ അദ്ദേഹമൊരു സിഗരറ്റ് നീട്ടി. വേണ്ടെന്നു പറഞ്ഞപ്പോൾ, കാരണമറിയണം.