സിഖ്‌ വംശജൻ നിജ്ജറിന്റെ കൊലപാതത്തിൽ ഇന്ത്യയ്ക്ക് പങ്കുണ്ടെന്ന് ആരോപിച്ച് ഇന്ത്യ–കാനഡ ബന്ധത്തിലെ സംഘർഷങ്ങൾക്ക് തുടക്കമിട്ടത് കനേഡിയൻ പ്രധാനമന്ത്രി ജസ്റ്റിൻ ട്രൂഡോ ആയിരുന്നു. കാനഡയിൽ നിന്ന് ഇന്ത്യൻ ഹൈക്കമ്മിഷണറെ മടക്കിവിളിക്കാനും ട്രൂഡോയെ പേരെടുത്ത് വിമർശിക്കാനും ഇന്ത്യ മുതിർന്നതോടെ അസ്വാരസ്യം അതിവേഗം അവസാനിക്കില്ലെന്നുറപ്പായി
എന്താണ് ഇന്ത്യ- കാനഡ ബന്ധത്തിൻ്റെ ചരിത്രം? സിഖ്‌ വംശജർ ആ രാജ്യത്ത് ഇത്രയേറെ സ്വാധീന ശക്തിയുള്ളവരായത് എങ്ങനെയാണ്? പലവട്ടം മുന്നറിയിപ്പ് നൽകിയിട്ടും, വിഘടനവാദികളെന്ന് ഇന്ത്യ കരുതുന്നവരെ കാനഡ ചേർത്തുപിടിക്കുന്നതിന് പിന്നിലെന്താണ്? വീസ നിയന്ത്രണം ഉൾപ്പെടെയുള്ള നടപടികളിലേക്ക് കാനഡ പോയാൽ ഇന്ത്യക്കാരെ അതെങ്ങനെ ബാധിക്കും? ‘ഗ്ലോബൽ കാൻവാസ്’ കോളത്തിൽ ഡോ.കെ.എൻ.രാഘവൻ വിശദമാക്കുന്നു
2018ൽ കനേഡിയൻ പ്രധാനമന്ത്രിയുടെ ഇന്ത്യാ സന്ദർശനത്തിനിടെ ജസ്റ്റിൻ ട്രൂഡോയുടെ ഭാര്യ സോഫി ട്രൂഡോയെ സ്വാഗതം ചെയ്യുന്ന പ്രധാനമന്ത്രി നരേന്ദ്ര മോദി. ട്രൂഡോയും മകൻ സേവ്യറും സമീപം (Photo by PRAKASH SINGH / AFP)
Mail This Article
×
രാജ്യങ്ങള്‍ തമ്മില്‍ അസ്വാരസ്യങ്ങള്‍ ഉണ്ടാവുക എന്നത്‌ അസാധാരണമല്ല; ചുരുക്കം ചില സന്ദര്‍ഭങ്ങളില്‍ ഇവ സംഘര്‍ഷത്തിലേക്ക്‌ നയിക്കാറുമുണ്ട്‌. പക്ഷേ, ലോക ചരിത്രം പരിശോധിച്ചാല്‍ നമുക്ക്‌ കാണുവാന്‍ കഴിയുന്നത്‌ രാഷ്ട്രങ്ങള്‍ തമ്മിലുള്ള തര്‍ക്കങ്ങളും തന്മൂലമുള്ള സംഘട്ടനങ്ങളും ഉണ്ടാവുക മിക്കവാറും അയല്‍രാജ്യങ്ങള്‍ തമ്മിലാണ്‌ എന്ന വസ്തുതയാണ്‌. വളരെ വിരളമായി മാത്രമേ ഒരു രാജ്യം തങ്ങളില്‍ നിന്നും ആയിരത്തിലധികം മൈലുകള്‍ അകലെയുള്ള വേറൊരു രാഷ്ട്രവുമായി കലഹിക്കുവാനുള്ള സാഹചര്യം ഉണ്ടാകാറുള്ളൂ. അപ്പോഴും ഈ അഭിപ്രായവ്യത്യാസങ്ങള്‍ മിക്കവാറും ഒരു സഖ്യത്തിനെ ചൊല്ലിയോ അതുമല്ലെങ്കില്‍ മൂന്നാമതൊരു രാജ്യത്തിന്റെ നയങ്ങളെയും നടപടികളെയുംകുറിച്ചുള്ള വ്യത്യസ്ത കാഴ്ചപ്പാടുകള്‍ വരുത്തിവയ്ക്കുന്നതോ ആയിരിക്കും.
ഇതൊന്നുമല്ലാതെ ഭൂമിശാസ്ത്രപരമായി വളരെ അകലെ സ്ഥിതി ചെയ്യുന്ന രണ്ടു രാജ്യങ്ങള്‍ തമ്മിലുള്ള വഴക്കുകള്‍ കാരണം നയതന്ത്രബന്ധം വിച്ഛേദിക്കുന്നതിന്റെ വക്കില്‍ വരെയെത്തി നില്‍ക്കുന്ന സ്ഥിതിവിശേഷം വളരെ അപൂര്‍വമായി മാത്രമാണ്‌ സംജാതമാകാറുള്ളത്‌. അത്തരമൊരു വിഷമവൃത്തത്തിലാണ്‌ അടുത്തിടെയുണ്ടായ പ്രശ്നങ്ങള്‍ കാരണം ഇന്ത്യയും കാനഡയും തമ്മിലുള്ള ഉഭയകക്ഷി ബന്ധം എത്തി നില്‍ക്കുന്നത്‌. 2023 ജൂലൈ മാസം 18നു ഹര്‍ദിപ്‌ സിങ് നിജ്ജര്‍ എന്ന സിഖ്‌ മതസ്ഥനായ കനേഡിയന്‍ പൗരൻ
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
