ബിജെപി വിട്ടെത്തിയ കോൺഗ്രസ് ‘മുഖ്യൻ’ തിരക്കിലാണ്; മണ്ഡലം നോക്കി ഭാര്യ; നാട്ടിൽ വികസനമില്ലെങ്കിലും ആർക്കും പരാതിയില്ല!

പിസിസി അധ്യക്ഷൻ നാനാ പഠോളെയുടെ കൈകൾക്കു മഹാരാഷ്ട്രയിൽ സുലഭമായി കാണുന്ന കരിമ്പിന്റെ കടുപ്പമുണ്ട്. കൃഷി ചെയ്തു തഴമ്പിച്ചതല്ല. കർഷകരുടെ തഴമ്പിച്ച കൈകളിൽ കൈകോർത്തു നടക്കുന്നതിന്റെ കാഠിന്യമാണത്. മഹാരാഷ്ട്രയിൽ കോൺഗ്രസ് രാഷ്ട്രീയത്തിലെ ഏറ്റവും തലയെടുപ്പുള്ള നേതാവാരെന്ന ചോദ്യത്തിന് ആറടി രണ്ടിഞ്ചുകാരനായ നാനാ ബാവുവല്ലാതെ മറ്റൊരുത്തരമില്ല. കർഷക നേതാവാണെങ്കിലും തിരഞ്ഞെടുപ്പു പ്രഖ്യാപിച്ചശേഷം ഭൂമിയിലല്ല, ആകാശത്താണു പഠോളെ. എല്ലായിടത്തും പ്രചാരണത്തിനു പഠോളെയെ വേണം. എളുപ്പത്തിലെത്താൻ