ടീം ഇന്ത്യയുടെ ‘വജ്രായുധം’; ബാറ്റർമാരുടെ ‘അന്തകൻ’; അമ്മച്ചിറകിൽ വളർന്ന ജസ്പ്രീത് ബുമ്ര

‘‘ടീം ഇന്ത്യ ട്വന്റി20 ലോകകപ്പ് കിരീടം ഉയർ‍ത്തുമ്പോൾ മുൻ‍നിരയിൽ ജസ്പ്രീത് ബുമ്ര ഉണ്ടാകും. ബാറ്റർമാരെ സമ്മർദത്തിലാക്കുന്ന ആ പ്രകടനം മികച്ചതായിരുന്നു. പാക്കിസ്ഥാനെതിരെ 15-ാം ഓവറിൽ (മുഹമ്മദ് റിസ്‌വാന്റെ) ആ വിക്കറ്റ് വീഴ്ത്തിയത് കണ്ടു. പിന്നെ 19-ാം ഓവർ, ആ ഓവറിൽ രണ്ട് ബൗണ്ടറികൾ പോയിരുന്നെങ്കിൽ എല്ലാം കൈവിട്ട്പോയേനെ, അവസാന ഓവറിൽ പാക്കിസ്ഥാന്റെ വിജയലക്ഷ്യം 10 അല്ലെങ്കിൽ 12 റൺസ് ആയിരുന്നെങ്കിൽ അവർക്ക് വിജയം സാധ്യമായിരുന്നു’’ - ഇന്ത്യയുടെ പേസർ ജസ്പ്രീത് ബുമ്രയെ കുറിച്ച് ടീം ഇന്ത്യയുടെ മുൻ‍ പരിശീലകൻ അനിൽ കുംബ്ലെ‌ പറഞ്ഞ വാക്കുകളാണിത്.