മെസ്സിയെ ‘പിടിച്ചുകെട്ടിയ’ തന്ത്രത്തിന് പൂട്ടിട്ട് സ്കലോനി; വയസ്സന് പടയല്ല, ഇത് വിജയങ്ങള് ‘വിരമിക്കാത്ത’ നീലപ്പട
![Copa America Copa America](https://img-mm.manoramaonline.com/content/dam/mm/mo/config-assets/mo-default.jpg?w=1120&h=583)
Mail This Article
ഇതിഹാസ താരം ലയണൽ മെസ്സി, 2016ൽ കോപ്പ ഫൈനലിൽ ചിലെയോട് പരാജയപ്പെട്ട് നിറഞ്ഞ കണ്ണുകളുമായി മൈതാനം വിടുന്ന ആ രംഗം തന്നെയാണ് അർജന്റീന തുടർച്ചയായി രണ്ടാം കോപ്പ അമേരിക്ക കപ്പ് നേടിയപ്പോഴും മുന്നിൽ കാണുന്നത്. ചിലെയോടുള്ള ആ തോൽവി മെസ്സിയെ അത്രയേറെ ഉലച്ചിരുന്നു. തോൽവിക്കു തൊട്ടുപിന്നാലെ രാജ്യാന്തര ഫുട്ബോളിൽനിന്ന് വിരമിക്കുകയാണെന്നു കൂടി ഫുട്ബോൾ രാജാവ് പ്രഖ്യാപിച്ചതോടെ ലോകം ഞെട്ടി, ആരാധകരുടെ ഹൃദയം തകർന്നു, കാൽപ്പന്തുകളിയിലെ രാജാവ് ഒന്നും നേടാതെ മടങ്ങുന്ന ആ കാഴ്ച പലർക്കും സഹിക്കാനാകില്ലായിരുന്നു. മലയാളികൾ ഉൾപ്പെടെയുള്ള കോടാനുകോടി ആരാധകർ അന്ന് വാവിട്ട് കരയുന്നുണ്ടായിരുന്നു; എല്ലാം ചരിത്രം. എന്നാൽ, വിരമിക്കൽ പ്രഖ്യാപിച്ചെങ്കിലും പരിശീലകൻ ലയണൽ സ്കലോനി മെസ്സിയെ കൈവിട്ടില്ല, ഒപ്പം ആരാധകരും. മെസ്സിയെ നേരിട്ട് കണ്ട് കാര്യങ്ങൾ പറഞ്ഞ് മനസ്സിലാക്കി രാജ്യാന്തര മൈതാനത്തേക്ക് കൂട്ടിക്കൊണ്ടുവന്നു, കൂടെ മെസ്സിയുടെ സഹതാരങ്ങളെയും കോച്ച് കൈവിട്ടില്ല. പിന്നെ നടന്നതെല്ലാം അദ്ഭുതങ്ങളായിരുന്നു....