കോവിഡ് ഭീതിയിൽ നാട്ടിലേക്കു മടങ്ങിയ റിച്ചഡ്സന് പകരം ആർസിബിക്ക് കുഗ്ലൈൻ

ന്യൂഡൽഹി ∙ കോവിഡ് ഭീതിയിൽ ഓസ്ട്രേലിയയിലേക്കു മടങ്ങിയ കെയ്ൻ റിച്ചഡ്സനു പകരം മുംബൈ ഇന്ത്യൻസിന്റെ നെറ്റ്ബോളർ സ്കോട്ട് കുഗ്ലൈനെ ബാംഗ്ലൂർ റോയൽ ചാലഞ്ചേഴ്സ് ടീമിലെടുത്തു. തിങ്കളാഴ്ചയാണ് ഓസീസ് താരം ആദം സാംപയ്ക്കൊപ്പം റിച്ചഡ്സനും മടങ്ങിയത്.

ന്യൂസീലൻഡിനു വേണ്ടി 2 ഏകദിനങ്ങളും 16 ട്വന്റി20 മത്സരങ്ങളും കളിച്ചിട്ടുള്ള കുഗ്ലൈൻ (29) മുംബൈ ടീമിനൊപ്പം ഡൽഹിയിലെ ക്യാംപിലാണുണ്ടായിരുന്നത്. മുംബൈ ടീമിന്റെ ജൈവസുരക്ഷാ വലയത്തിൽനിന്ന് കുഗ്ലൈൻ അഹമ്മദാബാദിൽ ബാംഗ്ലൂർ ടീമിന്റെ ജൈവവലയത്തിൽ ചേർന്നു. കോവിഡ് പരിശോധനയിൽ താരം നെഗറ്റീവാണെന്നു ബാംഗ്ലൂർ ടീം അറിയിച്ചു.  

Content Highlights: Scott Kuggeleijn named as Kane Richardson's replacement