വനിതാ ട്വന്റി20: ഇന്ത്യയ്ക്ക് തോൽവി

ബ്രിസ്റ്റോൾ ∙ മുൻനിര ബാറ്റർമാർ നിരാശപ്പെടുത്തിയപ്പോൾ ഇംഗ്ലണ്ടിനെതിരായ വനിതാ ട്വന്റി20യിൽ ഇന്ത്യയ്ക്ക് തോൽവിയും പരമ്പര നഷ്ടവും (1–2). പരമ്പരയിലെ നിർണായകമായ മൂന്നാം മത്സരത്തിൽ 7 വിക്കറ്റിനായിരുന്നു ഇംഗ്ലണ്ട് വനിതകളുടെ ജയം. ആദ്യം ബാറ്റ് ചെയ്ത ഇന്ത്യ 122 റൺസിൽ ഒതുങ്ങിയപ്പോൾ ഇംഗ്ലണ്ട് 18.2 ഓവറിൽ 3 വിക്കറ്റ് നഷ്ടത്തിൽ‌ ലക്ഷ്യം കണ്ടു. പരമ്പരയിലെ ആദ്യ മത്സരത്തി‌‍ൽ ഇംഗ്ലണ്ടും രണ്ടാം മത്സരത്തി‍ൽ ഇന്ത്യയും വിജയിച്ചിരുന്നു.

Content Highlights: Women T20 match, Highlights