ഐപിഎല്ലിലെ ‘സൂപ്പർമാൻ’, സ്പൈ‍ഡർമാന്റെ ഇന്ത്യൻ അവതാരത്തിന് ഗില്ലിന്റെ ശബ്ദം

മുംബൈ ∙ ഐപിഎൽ ക്രിക്കറ്റിൽ ‘സൂപ്പർമാൻ’ ആയി തകർത്തടിക്കുന്ന ഗുജറാത്ത് ടൈറ്റൻസ് ഓപ്പണർ ശുഭ്മൻ ഗിൽ സ്ക്രീനിൽ സ്പൈഡർമാന് ശബ്ദം നൽകുന്നു. സ്പൈഡർമാന്റെ ഇന്ത്യൻ അവതാരമായ പവിത്ര് പ്രഭാകറിനാണ് ശുഭ്മൻ ഹിന്ദിയിലും പഞ്ചാബിയിലും ശബ്ദം നൽകുന്നത്.

‘സ്പൈഡർമാൻ– എക്രോസ് ദ് സ്പൈഡർ–വേർസ്’ എന്ന അനിമേഷൻ സിനിമ സോണി പിക്ചേഴ്സ് എന്റർടെയ്ൻമെന്റ് ആണ് നിർമിക്കുന്നത്. മലയാളം ഉൾപ്പെടെയുള്ള ഭാഷകളിലുള്ള ചിത്രം ജൂൺ 2ന് രാജ്യമെങ്ങുള്ള തിയറ്ററുകളിൽ റിലീസ് ചെയ്യും.

‘‘ഞാൻ ഇപ്പോൾ തന്നെ സൂപ്പർ ഹ്യൂമൻ ആയ പോലെ തോന്നുന്നു..’’– ചിത്രത്തെക്കുറിച്ച് ഗില്ലിന്റെ വാക്കുകൾ.

English Summary: Shubman Gill lends his voice to Indian Spider-Man