ലോക ടെസ്റ്റ് ചാംപ്യൻഷിപ് ഫൈനലിൽ കളിപ്പിച്ചില്ലെങ്കിലും അശ്വിൻ തന്നെ ടോപ്; റാങ്കിങ്ങിൽ ഒന്നാമന്‍

ദുബായ് ∙ ഐസിസി ടെസ്റ്റ് ബോളർ റാങ്കിങ്ങിൽ ഇന്ത്യൻ ഓഫ് സ്പിന്നർ ആർ. അശ്വിൻ ഒന്നാം സ്ഥാനം നിലനിർത്തി. ബാറ്റർ റാങ്കിങ്ങിൽ ഓസ്ട്രേലിയയുടെ മാർനസ് ലബുഷെയ്നെ മറികടന്ന് ഇംഗ്ലണ്ടിന്റെ ജോ റൂട്ട് ഒന്നാം സ്ഥാനത്തെത്തി. 5 സ്ഥാനം മെച്ചപ്പെടുത്തിയാണ് ലബുഷെയ്നെ റൂട്ട് മറികടന്നത്.

ലോക ടെസ്റ്റ് ചാംപ്യൻഷിപ് ഫൈനൽ ടീമിൽ ഉൾപ്പെട്ടിരുന്നില്ലെങ്കിലും 860 പോയിന്റോടെയാണ് അശ്വിൻ തലപ്പത്തു തുടരുന്നത്. ഇംഗ്ലണ്ടിന്റെ ജയിംസ് ആൻഡേഴ്സനാണ് (829) രണ്ടാമത്.

ജസ്പ്രീത് ബുമ്ര (8), രവീന്ദ്ര ജഡേജ (9) എന്നിവർ റാങ്കിങ്ങി‍ൽ മാറ്റമില്ലാതെ ആദ്യ 10ൽ തുടരുന്നു. ബാറ്റർമാരിൽ വിക്കറ്റ് കീപ്പർ ബാറ്റർ ഋഷഭ് പന്താണ് ആദ്യ 10ലുള്ള ഏക ഇന്ത്യക്കാരൻ.

English Summary: Joe Root, Ashwin top in ICC rankings