കാര്യവട്ടത്തെ ലോകകപ്പ് സന്നാഹ മത്സരങ്ങൾ, ടിക്കറ്റ് നിരക്ക് പുറത്ത്

തിരുവനന്തപുരം ∙ കാര്യവട്ടം സ്റ്റേഡിയത്തിൽ നടക്കുന്ന ഇന്ത്യയുടെ ഒഴികെയുള്ള ലോകകപ്പ് സന്നാഹ മത്സരങ്ങളുടെ ടിക്കറ്റ് നിരക്കു പ്രഖ്യാപിച്ചു. 300 രൂപ, 900 രൂപ ടിക്കറ്റുകളാണ് ബുക്ക് മൈ ഷോ ആപ് വഴി ലഭിക്കുക.

സെപ്റ്റംബർ 29 ന് ദക്ഷിണാഫ്രിക്ക–അഫ്ഗാനിസ്ഥാൻ, 30ന് ഓസ്ട്രേലിയ–നെതർലൻഡ്സ്, ഒക്ടോബർ 2 ന് ന്യൂസീലൻഡ് –ദക്ഷിണാഫ്രിക്ക എന്നീ മൽസരങ്ങളുടെ നിരക്കാണ് പ്രഖ്യാപിച്ചത്. ഒക്ടോബർ 3ലെ ഇന്ത്യ–നെതർലൻഡ്സ് മത്സരത്തിന്റെ ടിക്കറ്റ് നിരക്ക് പിന്നീടു പ്രഖ്യാപിക്കും.

English Summary: Ticket prices for the World Cup warm-up matches at the Karyavattom Stadium