കൗണ്ടിയിൽ മിന്നിത്തിളങ്ങി ചെഹൽ; 10 ഓവറുകൾ മെയ്ഡന്‍, മൂന്ന് വിക്കറ്റ് വീഴ്ത്തി

കെന്റ് (ഇംഗ്ലണ്ട്) ∙ ഏഷ്യാകപ്പ്, ലോകകപ്പ് ടീമുകളിൽ ഇടംകിട്ടാതെ പോയ ഇന്ത്യൻ ലെഗ് സ്പിന്നർ യുസ്‌വേന്ദ്ര ചെഹലിന് ഇംഗ്ലിഷ് കൗണ്ടി ക്രിക്കറ്റ് ചാംപ്യൻഷിപ്പിൽ മികച്ച തുടക്കം. കെന്റിനു വേണ്ടിയുള്ള അരങ്ങേറ്റ മത്സരത്തിൽ നോട്ടിങ്ങാംഷെറിനെതിരെ ചെഹൽ 29 ഓവറിൽ 63 റൺസ് മാത്രം വഴങ്ങി 3 വിക്കറ്റ് വീഴ്ത്തി. ചെഹലിന്റെ 10 ഓവറുകൾ മെയ്ഡനായിരുന്നു. നോട്ടിങ്ങാമിനെ 265 റൺസിനു പുറത്താക്കിയ കെന്റിന് 181 റൺസിന്റെ ഒന്നാം ഇന്നിങ്സ് ലീഡുണ്ട്.

English Summary: Chahal shines on his county cricket debut