ലോകകപ്പിനു ശേഷം സ്റ്റോക്സിന് ശസ്ത്രക്രിയ

അഹമ്മദാബാദ് ∙ ഏകദിന ലോകകപ്പിനു ശേഷം കാൽമുട്ടിന് ശസ്ത്രക്രിയ നടത്തുമെന്ന് ഇംഗ്ലണ്ട് ക്രിക്കറ്റ് താരം ബെൻ സ്റ്റോക്സ്.  ഒന്നര വർഷത്തോളമായി കാൽമുട്ടിനേറ്റ പരുക്കുമൂലം കഷ്ടപ്പെടുന്ന സ്റ്റോക്സ്,  ആഷസ് പരമ്പരയ്ക്കു പിന്നാലെ ശസ്ത്രക്രിയയ്ക്ക് വിധേയനാകാൻ തീരുമാനിച്ചിരുന്നതാണ്. എന്നാൽ അപ്രതീക്ഷിതമായി ഏകദിന ലോകകപ്പിനുള്ള ഇംഗ്ലണ്ട് ടീമിലേക്കു തിരഞ്ഞെടുക്കപ്പെട്ടതോടെ ശസ്ത്രക്രിയ നീട്ടിവയ്ക്കുകയായിരുന്നു.