ഇന്ത്യൻ ടീം വിട്ടാൽ ദ്രാവിഡ് വീണ്ടും ദേശീയ ക്രിക്കറ്റ് അക്കാദമിയിലേക്ക്, ഐപിഎല്ലിലും സാധ്യത

ന്യൂഡൽഹി ∙ ഇന്ത്യൻ ക്രിക്കറ്റ് ടീമിന്റെ പരിശീലന സ്ഥാനമൊഴിയാൻ രാഹുൽ ദ്രാവിഡ്. വിവിഎസ് ലക്ഷ്മൺ പിൻഗാമിയായി എത്തുമെന്ന് സൂചന. ഏകദിന ലോകകപ്പോടെ ദ്രാവിഡിന്റെ കരാ‍ർ കാലാവധി അവസാനിച്ചിരുന്നു. പരിശീലകസ്ഥാനത്തു തുടരാൻ താൽപര്യമില്ലെന്ന് ദ്രാവിഡ് അറിയിച്ചതായാണ് റിപ്പോർട്ടുകൾ. ബെംഗളൂരുവിലെ നാഷനൽ ക്രിക്കറ്റ് അക്കാദമിയിലെ (എൻസിഎ) പദവികളിലേക്കോ ഏതെങ്കിലും ഐപിഎൽ ടീമുകളുടെ തലപ്പത്തേക്കോ ദ്രാവിഡ് തിരിച്ചെത്തിയേക്കും. ഓസ്ട്രേലിയയുമായുള്ള പരമ്പരയിൽ‌ ടീമിന്റെ പരിശീലകനായ എൻസിഎ ഹെഡ് വിവിഎസ് ലക്ഷ്മൺ ദ്രാവിഡ് സ്ഥാനമൊഴിയുന്നതിനു പിന്നാലെ ഫുൾടൈം കോച്ചായി ചുമതലയേൽക്കാനാണ് സാധ്യത.