വിരമിക്കൽ തീരുമാനം പിൻവലിച്ച് ആമിർ; ട്വന്റി20 ലോകകപ്പിന് റെഡി

കറാച്ചി ∙ വിരമിക്കൽ തീരുമാനം പിൻവലിച്ച് ഈ വർഷം നടക്കുന്ന ട്വന്റി20 ലോകകപ്പിൽ മത്സരിക്കാൻ സന്നദ്ധത അറിയിച്ച് പാക്കിസ്ഥാൻ പേസ് ബോളർ മുഹമ്മദ് ആമിർ. പാക്കിസ്ഥാൻ ക്രിക്കറ്റ് ബോർഡ് അധികൃതരുമായി ചർച്ച നടത്തിയതിനു ശേഷമാണ് തന്റെ തീരുമാനമെന്ന് മുപ്പത്തിയൊന്നുകാരനായ ആമിർ പറഞ്ഞു. വാതുവയ്പ് കേസിൽപ്പെട്ട് 2010 മുതൽ 2015 വരെ ക്രിക്കറ്റിൽ നിന്നു വിലക്കിലായ ആമിർ പിന്നീട് തിരിച്ചുവന്നിരുന്നു. 2020 ഓഗസ്റ്റിലാണ് അവസാനമായി പാക്കിസ്ഥാനു വേണ്ടി കളിച്ചത്.