സൺറൈസേഴ്സ് പ്ലേ ഓഫിൽ; ഇനി സൂപ്പർ പോരാട്ടം, ചെന്നൈയെ പിന്തള്ളാൻ ആര്‍സിബി വെറുതെ ജയിച്ചാൽ പോര!
Mail This Article
×
ഹൈദരാബാദ് ∙ ഗുജറാത്ത് ടൈറ്റൻസിനെതിരായ മത്സരം മഴമൂലം ഉപേക്ഷിച്ചതിനെത്തുടർന്ന് സൺറൈസേഴ്സ് ഹൈദരാബാദ് ഐപിഎൽ പ്ലേഓഫ് ഉറപ്പിച്ചു. ഇരുടീമുകൾക്കും ഒരു പോയിന്റ് വീതം ലഭിച്ചതിനെത്തുടർന്നാണ് ഹൈദരാബാദ് പ്ലേഓഫിലെത്തിയത്. കൊൽക്കത്ത, രാജസ്ഥാൻ ടീമുകൾ നേരത്തേ പ്ലേഓഫ് ഉറപ്പിച്ചിരുന്നു.
രാജീവ് ഗാന്ധി സ്റ്റേ‍ഡിയത്തിൽ കനത്ത മഴ മൂലം ഇന്നലെ ഒരു പന്തു പോലും എറിയാനായില്ല. ഇതോടെ മത്സരം ഉപേക്ഷിക്കാൻ രാത്രി 10.15ന് അംപയർമാർ തീരുമാനമെടുക്കുകയായിരുന്നു. പ്ലേഓഫിലെ നാലാം സ്ഥാനത്തിനായി ചെന്നൈ സൂപ്പർ കിങ്സും റോയൽ ചാലഞ്ചേഴ്സ് ബെംഗളൂരുവും തമ്മിലാണ് ഇനി മത്സരം.
ശനിയാഴ്ച ബെംഗളൂരുവിൽ നടക്കുന്ന മത്സരത്തിൽ ചെന്നൈയ്ക്കെതിരെ ആദ്യം ബാറ്റു ചെയ്യുകയാണെങ്കിൽ കുറഞ്ഞത് 18 റൺസിനോ രണ്ടാമത് ബാറ്റു ചെയ്യുകയാണെങ്കിൽ 18.1 ഓവറിനുള്ളിലോ ബെംഗളൂരുവിന് ജയിക്കണം.
English Summary:
Sunrisers Hyderabad secure IPL playoffs after match against Gujarat Titans abandoned due to rain
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
