ഇന്ത്യ എ ടീമിന്റെ ഓസ്ട്രേലിയൻ ടൂർ: മിന്നു മണി ക്യാപ്റ്റൻ

മുംബൈ ∙ ഇന്ത്യൻ വനിതാ എ ക്രിക്കറ്റ് ടീമിന്റെ ഓസ്ട്രേലിയൻ പര്യടനത്തിൽ മലയാളി താരം മിന്നു മണി ക്യാപ്റ്റൻ. ഓഗസ്റ്റ് 7ന് ആരംഭിക്കുന്ന പര്യടനത്തിൽ  ഓസ്ട്രേലിയ എ ടീമിനെതിരെ 3 ട്വന്റി20 മത്സരങ്ങളും 3 ഏകദിനങ്ങളും ഒരു ചതുർദിന മത്സരവും ഇന്ത്യ കളിക്കും. മലയാളി താരം സജന സജീവനും ടീമിലുണ്ട്.  ഓഗസ്റ്റ് 7,9,11 തീയതികളിലാണ് ട്വന്റി20 മത്സരങ്ങൾ. ഏകദിന മത്സരങ്ങൾ 14, 16, 18 തീയതികളിലും ചതുർദിന മത്സരം 22 മുതൽ 25 വരെയും നടക്കും.