ഇംഗ്ലണ്ട് കൗണ്ടി ടീമിനെ വാങ്ങാൻ ഡൽഹി ക്യാപിറ്റൽസ് ഉടമകൾ; 51 ശതമാനം ഓഹരിക്ക് ഏകദേശം 1278 കോടി രൂപ!

ലണ്ടൻ∙ ഇംഗ്ലിഷ് കൗണ്ടി ക്രിക്കറ്റ് ടീം ഹാംഷെറിന്റെ ഓഹരി സ്വന്തമാക്കാനൊരുങ്ങി ഐപിഎൽ ടീം ഡൽഹി ക്യാപിറ്റൽസിന്റെ സഹ ഉടമകളായ ജിഎംആർ ഗ്രൂപ്പ്. ഹാംഷെറിന്റെ 12 കോടി പൗണ്ട് (ഏകദേശം 1278 കോടി രൂപ) വരുന്ന 51 ശതമാനം ഓഹരികൾ സ്വന്തമാക്കാനുള്ള കരാറിൽ ജിഎംആർ ഗ്രൂപ്പ് ഒപ്പുവച്ചതായാണ് വിവരം. ആദ്യമായാണ് ഇന്ത്യയിൽ നിന്നുള്ള ഒരു കമ്പനി ഇംഗ്ലിഷ് കൗണ്ടി ക്രിക്കറ്റിൽ ഒരു ടീമിനെ സ്വന്തമാക്കുന്നത്.

ഡൽഹി ക്യാപിറ്റൽസിനു പുറമേ, യുഎഇയിലെ ദുബായ് ക്യാപിറ്റൽസ്, യുഎസിലെ മേജർ ലീഗ് ക്രിക്കറ്റ് ലീഗിലെ സീയാറ്റിൽ ഓകസ് എന്നീ ടീമുകളുടെയും സഹ ഉടമയാണ് ജിഎംആർ ഗ്രൂപ്പ്.