സജനയും മിന്നു മണിയും തിളങ്ങി, ഇന്ത്യ എയ്ക്ക് 171 റൺസിന്റെ കൂറ്റൻ ജയം

മാക്കെ (ഓസ്ട്രേലിയ)∙ ലെഗ് സ്പിന്നർ പ്രിയ മിശ്രയുടെ 5 വിക്കറ്റ് നേട്ടത്തിന്റെ മികവിൽ ഓസ്ട്രേലിയ എ ടീമിനെതിരായ മൂന്നാം വനിതാ ഏകദിന മത്സരത്തിൽ ഇന്ത്യ എയ്ക്ക് 171 റൺസിന്റെ കൂറ്റൻ ജയം. ഇന്ത്യ ഉയർത്തിയ 244 റൺസ് വിജയലക്ഷ്യം പിന്തുടർന്ന ഓസ്ട്രേലിയ 72 റൺസിന് പുറത്തായി.

14 റൺസ് വഴങ്ങി 5 വിക്കറ്റ് വീഴ്ത്തിയ പ്രിയയാണ് ഓസീസ് ബാറ്റിങ് നിരയെ തകർത്തത്. രാഘ്‌വി ബിസ്ത് (53), തേജൽ ഹസബ്നിസ് (50), മലയാളി താരങ്ങളായ സജന സജീവൻ (40), മിന്നു മണി (34) എന്നിവരുടെ ഇന്നിങ്സുകളാണ് ഇന്ത്യ എയെ ഭേദപ്പെട്ട സ്കോറിൽ എത്തിച്ചത്. 3 മത്സര പരമ്പരയിലെ ആദ്യ രണ്ടു മത്സരങ്ങളും ജയിച്ച ഓസ്ട്രേലിയ ഇതിനോടകം പരമ്പര സ്വന്തമാക്കിയിരുന്നു. പര്യടനത്തിലെ ഏക ടെസ്റ്റ് മത്സരം 22ന് ആരംഭിക്കും.