രണ്ടാം ക്രിക്കറ്റ് ടെസ്റ്റിൽ ദക്ഷിണാഫ്രിക്കയ്ക്ക് 40 റൺസ് ജയം, വെസ്റ്റിൻഡീസിനെതിരെ പരമ്പര

പ്രോവിഡൻസ് (ഗയാന)∙ വെസ്റ്റിൻഡീസിനെതിരായ രണ്ടാം ക്രിക്കറ്റ് ടെസ്റ്റിൽ ദക്ഷിണാഫ്രിക്കയ്ക്ക് 40 റൺസ് ജയം. ഇതോടെ 2 മത്സര പരമ്പര ദക്ഷിണാഫ്രിക്ക 1–0ന് സ്വന്തമാക്കി. ആദ്യ ടെസ്റ്റ് സമനിലയിൽ അവസാനിച്ചിരുന്നു. രണ്ടാം ഇന്നിങ്സിൽ ദക്ഷിണാഫ്രിക്ക ഉയർത്തിയ 263 റൺസ് വിജയലക്ഷ്യം പിന്തുടർന്നിറങ്ങിയ വിൻഡീസിന് 222 റൺസ് നേടാനേ സാധിച്ചുള്ളൂ.

സ്കോർ: ദക്ഷിണാഫ്രിക്ക ഒന്നാം ഇന്നിങ്സ് 160, രണ്ടാം ഇന്നിങ്സ് 246. വെസ്റ്റിൻഡീസ് ഒന്നാം ഇന്നിങ്സ് 144. രണ്ടാം ഇന്നിങ്സ് 222. 3 വിക്കറ്റ് വീതം വീഴ്ത്തിയ കഗീസോ റബാദയും കേശവ് മഹാരാജുമാണ് വിൻഡീസ് ബാറ്റിങ്ങിനെ ചുരുട്ടിക്കെട്ടിയത്.